top of page

「童年記憶樹」~~ 《哭聲下的眼淚》 -- Yan



生完仔仔后,一心想做全職媽媽的我,會好害怕聽到仔仔的哭聲,有一段時間聽到哭唔停就會話翻佢,甚至好惡問佢做咩事?但仔仔先得2歲點識回應我?我就問我自己點解咁。


跟著恐懼的情緒,我回憶到自己大約4-5歲時的一個畫面,我一邊哭,一邊被爸爸成個人拎起身,我感受到自己好害怕,好無助,爸爸就一直叫我收聲……跟著內心回憶的畫面,果次我哭了好久好久,哭到自己全身無力,然後我仔仔見住我哭,也在旁邊哭起來,我倆個好似2個無助的小朋友。


由果一刻開始,我知道,原來我不是恐懼仔仔的哭聲,而是在心痛小時候的自己,我好像有人安慰我看見我同幫我。經歷左自己回憶的畫面,我開始同自己講,我已經大喇,我可以哭,我允許我自己哭,當仔仔再哭時,我就同佢講,唔開心想哭就哭下,冇關係的。


就好像同心裡小時候的自己講,哭也冇關係,再慢慢我發現我開始唔再恐懼哭聲,也不抗拒流淚。


歡迎到以下的連結,閱讀更多的文章故事


105 次查看0 則留言

Comments


bottom of page